Kasin Uusaren Moy JW Library?

Say JW Library et sakey ya libren app (software application) ya nausar pian makapan-download ka na Biblia tan arum nin publikasyon, video, tan audio diad cellphone, tablet, o computer mo.

NO PANON KAN NAWALAAN: Man-online, tan i-install so JW Library manlapud sakey ya app store. Sayan app et available ed nanduruman gadyet. No aka-online ka, lukasan so app tan manpili na saray labay mon i-download ed gadyet mo. No anggapoy Internet ed abung yo, sarag moy onlad Kingdom Hall, public library, odino diad coffee shop. No ni-download mo la ray publikasyon ed gadyet mo, agmo la kaukolan so Internet pian nalukasan iratan. Lapud wala ray balon features ya regular ya iyaarum ed JW Library, kaukolan moy man-online sagpaminsan tan i-install iray update.

AKIN ET BALIBALI IYA? No walay JW Library app mo, mas mainomay so manaral tan ontumbok ed saray parte ed aral. Mausa-usar met iya diad ministeryo lalo la ed informal witnessing.