Say Panarian​—Say Unonan 100 a Taon

Saramay labay day magmaliw ya sakop na Panarian na Dios et nepeg dan gawaey anggaay nayarian da ya aralen so nipaakar ed Panarian tan no anto lay agawaan na satan. Akin? Pian ombiskeg so pananisia da ya manuuley lay Panarian na Dios tan pian natenyeg so puso ra ya ipaamta ed arum so maong a balita na Panarian na Dios. (Sal 45:1; 49:3) Legan yon babantayan so video ya Say Panarian​—Say Unonan 100 a Taon, nengnengen iray ebat ed sarayan tepet:

1. Akin et bendisyon so “Photo-Drama of Creation” parad saramay akabantay ed satan?

2. Panon ya inusar so radyo pian nipasabi so maong a balita ed saray totoo?

3. Anto ni arum ya paraan ya ginawa pian nipulong so maong a balita, tan antoy resulta?

4. Panon ya inmaligwas so pangipapasal ed sikatayo diad ministeryo ed inlabas na saray taon?

5. Anton panangipasal so naawat na saray estudyante ed Gilead School?

6. Panon ya nababangatan iray totoo nen Jehova ed saray kombension?

7. Akin et kombinsido kan manuuley lay Panarian na Dios?

8. Panon tayon nasuportaan so Panarian na Dios?