PAALIGWASEN IRAY ABILIDAD TAYOD MINISTERYO​—Pasesegen Iray Interesado ya Onatendi ed Saray Aral

NO AKIN YA IMPORTANTE: Diad saray aral tayo, regular tayon ‘kakansionan si Jehova’ tan ‘idadayew tayo.’ (Sal 149:1) Dia et nibabangat tayo ya gawaen so linawa na Dios. (Sal 143:10) Maslak et mas onaaligwas iray interesado tan iyaaralan na Biblia no onaatendi la rad saray aral tayo.

NO PANON IYAN NAGAWAAN:

• Imbitaan ya tampol so interesado anggad posible. Agmo la aalagaren ya niletneg so panagaral na Biblia.—Apo 22:17

• 

  Ipaliwawam ed sikato no antoy nagagawa ed aral tan no antoy aralen ditan. Makatulong iraya: say imbitasyon parad saray aral na kongregasyon, say video ya Antoy Gagawaen ed Kingdom Hall?, tan saray leksion 5 tan 7 na brosyur ya Linawa nen Jehova

• 

  Mangiyopresi na tulong. Kasin kaukolan toy naluganan odino tulong pian amta to no antoy nepeg ton isulong? Abayan mo legan na aral, tan inabang iray publikasyon mo. Ipakabat mod arum