Deneskribe na Biblia so Maong ya Asawan Bii

Nabasa ed Proverbio kapitulo 31 so importantin mensahe na ina nen Arin Lemuel ed sikato. Akatulong ed sikato so simbawa nen ina to no antoy anapen ed sakey a maong ya asawan bii.

Say maong ya asawan bii et napanmatalkan

31:10-12

• Mangiiter na makatulong iran suhestion no mandedesisyon so pamilya balet ta mapasakop nin siansia

• Sikatoy panmamatalkan na asawa to ya manggaway maabig iran desisyon, ya agto la kaukolan ya ipatanir nid asawa to so amin ya gawaen to

Say maong ya asawan bii et makuli

31:13-27

• Amta toy mantipid tan manbilay ya simpli pian say pamilya to et makapankawes na maayos, presentable, tan makapangan na susto

• Sikatoy makulikuli tan babantayan toy pamilya to ed agew tan labi

Say maong ya asawan bii et maespiritual

31:30

• Walay takot tod Dios tan walaan na maapit ya relasyon ed sikato