Taloen na Edukasyon a Manlalapud Dios so Panaglabi

Si Jehova et anggapoy lalabien to. (Gaw 10:34, 35) Aawaten to ray totoon ‘nanlapud amin a nasyon tan tribu tan rasa tan lenguahe.’ (Apo 7:9) Kanian agmanepeg ed Kristianon kongregasyon so panaglabi odino paboritismo. (San 2:1-4) Maong labat ta walay edukasyon a manlalapud Dios, kanian panliliketan tayo so espiritual a paraiso ta nanenengneng tayon manguuman so personalidad na totoo. (Isa 11:6-9) Legan tayon panseseetan ya ekalen ed puso tayo so antokaman ya klase na panaglabi, prupruebaan tayo ya aaligen tayoy Dios.—Efe 5:1, 2.

BANTAYAN SO VIDEO YA SI JOHNY TAN GIDEON: DATIN MANKALABAN, SANAGI LA NATAN. INSAN EBATAN IRAYAN TEPET:

• Akin et sankaepektiboan so edukasyon a manlalapud Dios nen say antokaman a pansasagpot na totoo ya ekalen so diskriminasyon tan panaglabi?

• Antoy pandinayewan mo ed internasyonal ya impanaagi tayo?

• Panon ya nigloria si Jehova no pansiasiansiaen tayoy pankakasakey tayo bilang Kristiano?