“O Jehova, . . . Sika so Panmamatalekan Ko”

Importante ya manmatalek tayod si Jehova balanglan maong odino mauges so kipapasen. (Sal 25:1, 2) Nen komawalon siglo B.C.E., walay baleg ya probleman inarap na saray Judio ya akasubokan na panagmatalek dad Dios. Dakel so naaralan tayo ed samay agawa. (Rom 15:4) Kayarin bantayan so video ya “O Jehova, . . . Sika so Panmamatalekan Ko,” antoy ebat mo ed sarayan tepet?

1. Anton baleg a problema so inarap nen Hezekias?

2. Panon ya inyaplika nen Hezekias so prinsipyo ed Proverbio 22:3 nen iisipen toy posiblin ilusob na kalaban?

3. Akin et agsinmuko ed Asirya odino akialyado ed Ehipto si Hezekias?

4. Akin ya maabig ya alimbawa si Hezekias ed saray Kristiano?

5. Anto ray situasyon natan ya nasubok so panagmatalek tayo ed si Jehova?

Isulat no anto ran situasyon ya labay moy lalon manmatalek ed si Jehova.