Aasikasoen Itayo na Maaron Amalsa

1. PAPASINAGEN TOY AGEW

Imadyin mo pay bilay diad dalin no anggapoy agew. Say agew et mangiiter na enerhiya ed saray kakiewan pian napawala so bulong, rosas, bunga, nuts, tan bukel. Ontulong itan ed saray kiew pian makasepsep ira na danum manlapud lamot paonla ed saray bulong insan la man-evaporate.

Say view manlapud tagey na taneman na lush tea diad palandey.

2. PAPEPELAGEN TOY URAN

Say uran et sakey ya mablin regalo na Dios ya ontutulong ed dalin pian mamawala na saray naakan tayo. Say Dios so mangiiter na uran manlapud tawen tan saray panaon ya dakel so aanien, pepeneken to tayo na naakan tan paliliketen toy puso tayo.

Manok ya walad sanga, legan ton sasalien ya toktoken so napepelag ya berry.

3. ITATARYA TOY NAAKAN TAN KAWESEN TAYO

Dakel ya kaamaan so mapagpaga no panon dan itarya so naakan tan kawesen na pamilya ra. Isipen pa iyan ibabaga na Kasulatan: “Imano yo pan maong iray ontitikyab a manok; ag-ira mantatanem na bukel odino manaani odino mantitipon diad saray kamalir, balet papakanen ira na Ama yod tawen. Agta mas mabli kayo ni nen say sikara?”—Mateo 6:25, 26.

“Imano yon maong iray lirio ed uma, no panon so ibabaleg da . . . ; balet ibagak ed sikayo ya anggan si [Arin] Solomon, a sankayamanan lan too, et ag-akapankawes na singa sakey ed saraya. Kanian no kakawesan na Dios iray tanaman ed uma . . . , agta mas lalon kawesan to kayo?”—Mateo 6:28-30.

Sarag na Dios ya itarya so naakan tan kawesen tayo. Seguradon itarya to met so arum ya pankaukolan tayo. No gawaen tayo so linawa na Dios, bendisyonan to iray sagpot tayo pian walay naakan tayo odino tulongan to itayon makalmo na trabaho pian walay isaliw tayo ed pankaukolan tayo.—Mateo 6:32, 33.

Talagan dakel so rason tayo ya aroen so Dios no imanoen tayoy agew, uran, saray manok, tan saray rosas. Aralen tayo ed ontumbok ya artikulo no panon ya mitotongtong so Dios ed saray totoo.