Ipanengneng Iray Kualidad ya Makapaliket ed Dios​—Pananisia

NO AKIN YA IMPORTANTE:

• Kaukolan so pananisia pian napaliket so Dios.​—Heb 11:6

• Say pananisia ed saray promisa na Dios so ontulong ed sikatayon nasungdoan iray subok.​—1Pe 1:6, 7

• Mansumpal ed kasalanan so pakaandi na pananisia.​—Heb 3:12, 13

NO PANON MON NAGAWAAN:

• Ipikasim ya mas ombiskeg ni so pananisiam.​—Luc 11:9, 13; Gal 5:22

• Basaen tan dalepdepen so Salita na Dios.​—Rom 10:17; 1Ti 4:15

• Regular ya milimog ed saray mabiskeg so pananisia ra.​—Rom 1:11, 12

BANTAYAN SO VIDEO YA IPATNAG IRAY KUALIDAD YA MAMABISKEG ED KATOORAN​—PANANISIA, INSAN EBATAN IRAYAN TEPET:

• Anto so “pananisia ya anggapoy pansimpisimpitan”? (1Ti 1:5)

• Pian nawalaan tayoy mabiskeg ya pananisia, anto ran makapuy ya impluensya so nepeg tayon paliisan?

• Akin ya importante so pananisia legan na baleg a kairapan? (Heb 10:39)