“Say Impankasakey na Dios . . . ”

Diad Mosaikon Ganggan, no labay na sakey a laki so midiborsyo, kaukolan toy mangala na legal ya kasulatan. Makatulong itan pian agbasta mansian iray sanasawa. Balet diad panaon nen Jesus, saray relihyoson lider et ginawa dan mainomay so pandiborsyo. Sarag na laki ya idiborsyoy asawa to ed anggan anton sengegan. (“certificate of dismissal” study note na Mar 10:4, nwtsty-E; “divorces his wife,” “commits adultery against her” study notes na Mar 10:11, nwtsty-E) Impaimano nen Jesus ya say panangasawa et inabobonan tan inggapo nen Jehova. (Mar 10:2-12) Say laki tan bii et magmaliw ya “sakey a laman” tan permanente so pankasakey da. Say iyaabuloy labat na Kasulatan ya rason parad diborsyo, base ed miparan sulat nen Mateo, et say “seksual ya imoralidad.”​—Mat 19:9.

Diad panaon tayo, say panmoria na totoo ed panangasawa et aliwa lan singa ed panmoria nen Jesus, noagta singa ed panmoria na saray Fariseo. No wala ray problema da, idiborsyo dan tampol so asawa ra. Pero saray Kristianon sanasawa et seseryosoen day impansipanan da tan gagawaen day anggaay nayarian dan nasarag iray subok diad pangiyaplika dad saray prinsipyo na Biblia. Kayarin bantayan so video ya Pankasakeyen na Panangaro tan Respeto so Pamilya, ebatan irayan tepet:

• 

  Panon yon niyaplika so Proverbio 15:1 diad relasyon yon sanasawa, tan akin ya importante itan?

• Panon yon napaliisan iray problema no iyaplika yoy Proverbio 19:11?

• No ngalngali la nabuyak so relasyon yon sanasawa, imbes ya isipen yon, ‘Kasin midiborsyo ak la?’ anto ran tepet so nepeg yon ikonsidera?

• Panon kayon magmaliw ya maong ya asawan laki o bii no iyaplika yoy Mateo 7:12?