Magmaliw Kan Patumbok Ko​—Antoy Kaukolan?

9:62

Pian maptek so pambaka na dumaralus, nepeg ya agnabalang so pokus to tan agto lilingawen so walad benegan to. Ontan met, agnepeg ya abuloyan na sakey ya Kristiano a nabalang so pokus to lapud saray binenegan to ed mundo.​—Fil 3:13.

No wala ray naeeksperiensya tayon irap, mainomay tayon nanonotan so apalabas, singa say bilay tayo antis tayon naamtaan so katuaan. No ontan, ompan ikatunongan tayon mas maliket so bilay tayo nensaman tan mas daiset so problema. Ontan so inisip na saray Israelita kapaway dad Ehipto. (Nu 11:5, 6) No ontan so sankanonot tayo, nayarin natukso tayon ompawil ed datin kabibilay tayo. Kanian mas maong no bilangen tayo ray nanaawat tayon bendisyon natan tan manpokus tayod liket ya iter na Panarian diad arapen!​—2Co 4:16-18.