KAYAMANAN ED SALITA NA DIOS | GAWA 1-3

Say Masanton Espiritu et Inkalbo ed Kristianon Kongregasyon

Totoon nanlapud nanduruman nasyon ya walad Jerusalem nen Pentecostes 33 C.E.

2:1-8, 14, 37, 38, 41-47

Dakel a Judio ya wadman ed Jerusalem legan na Pentecostes 33 C.E. so nanlapud nanduruman nasyon. (Gaw 2:9-11) Anggano uunoren day Mosaikon Ganggan, nayarin binmaleg ira ed arum a bansa tan diman la ra manaayam. (Jer 44:1) Kanian, nayarin say itsura tan panagsalita na arum ed sikara et mas mipara la ed saray totoon manaayam ed kawalaan dan bansa nen saray Judio. Nen abautismoan so 3,000 ya nanlapud nanduruman nasyon, mas dinmakel so pandurumaan na membro na Kristianon kongregasyon. Balet anggano nandurumay binalegan da, “kada agew et naynay a wala rad templo a saksakey so gagala ra.”—Gaw 2:46.

Panon mon nipanengneng so tuan panangiyansakit ed . . .

saray totoo ed teritorya yo a nanlapud arum ya bansa?
saray agagi ed kongregasyon yo a nanlapud arum ya bansa?