KAYAMANAN ED SALITA NA DIOS | GALACIA 4-6
Simbolikon Drama ya Walay Kabaliksan Tod Sikatayo
Inusar nen apostol Pablo iyan simbolikon drama pian iyilustra ya say balon sipanan et mas maabig nen say Ganggan a sipanan. Diad maaron uley nen Kristo tan saray kaiba ton tomatawir, amin ya totoo et walay ilalo dan nibulos ed kasalanan, ag-inkaperpekto, ermen, tan patey.—Isa 25:8, 9.
HAGAR—ARIPEN A BII Literal ya Israel ya sakop na Ganggan a sipanan, ya say kapital to et Jerusalem |
SARA—BULOS A BII Jerusalem ed tagey, say kabiangan na organisasyon nen Jehova ya walad tawen |
“ANANAK” NEN HAGAR Saray Judio (ya nansamba ed si Jehova ya unoren day Ganggan a sipanan) et pinasegsegang tan impulisay day Jesus |
“ANANAK” NEN SARA Si Kristo tan say 144,000 ya Kristianon alanaan na espiritu |
NAARIPEN ED GANGGAN A SIPANAN Ipapanonot na Ganggan ya saray Israelita et aripen na kasalanan |
SAY BALON SIPANAN ET GAWAEN TO ITAYON BULOS No ipanengneng tayoy pananisia ed kablian na bagat nen Kristo, magmaliw itayon bulos tan agla naaripen na Ganggan |