BILAY NA KRISTIANO

Say Pandumaan na Debosyon ed Dios tan Panangipasal ed Laman

Bii ya walay bemben ton raketa parad tennis, laki ya walay bemben ton bola parad basketball, tan sakey nin laki ya walay bemben ton bat parad baseball

Kasin walay nagunggona ed panangipasal ed laman? On wala, balet daiset labat komparad espiritual ya panangipasal. (1Ti 4:8) Kanian, kaukolan ya magmaliw a balanse iray Kristiano nipaakar ed isports.

BANTAYAN SO WHITEBOARD ANIMATION YA NO ANTOY KAUKOLAN MON NAAMTAAN NIPAAKAR ED ISPORTS, INSAN EBATAN IRAYA:

1. Anto ran dunong so naaralan tayo ed isports?
2. Anton taloran bengatla so makatulong ed sikatayo ya mandesisyon no kasin maong odino andi so sakey ya isports?
3. Panon ya makatulong so Salmo 11:5 pian makapandesisyon itayo no anton isports so bantayan odino galawen tayo?
4. Panon tayon niyaplika so Filipos 2:3 tan Proverbio 16:18 no manggagalaw tayo?
5. Panon ya makatulong so Filipos 1:10 pian napaliisan tayoy mangusar na dakel ya oras ed pambantay na isports tan panggalaw?