KAYAMANAN ED SALITA NA DIOS | GENESIS 32-33

Kasin Mibabalsakan Ka Parad Bendisyon?

Pian bendisyonan itayo nen Jehova, nepeg itayon manpursigi ya iyunan lanang ed bilay tayo so kimey na Panarian. (1Co 9:26, 27) Impanengneng na maedad lan si Jacob so ugali ya nepeg tayon aligen diad panlilingkor tayo ed si Jehova. Nipanengneng tayon pansasagpotan tayon naawat so panamendisyon nen Jehova no . . .

Ipaparaan tayon maong iray aral ed kongregasyon
Regular tayon mibibiang ed ministeryo
Gagawaen tayoy anggaay nayarian tayo ya tulongan iray kakongregasyon tayo

Saray litrato: Ugaw nin ina ya busy. 1. Sikatoy manpipikasi antis ya onggapo so agew. 2. Papakanen toy melag nin anak to antis ya onlad ministeryo. 3. Sikatoy maliket diad ministeryo kaibay duaran ananak ton bibii tan saray sister ya kakongregasyon to.

No bilang ta mair-irap so situasyon tayo, kaukolan tayon ipikasin lanang ed si Jehova ya tulongan to tayo tan bendisyonan toy pansasagpot tayon manlingkor ed sikato.

TEPETAY SARILIM, ‘Anto ni ray kaukolan kon pansagpotan a maong pian naawat koy panamendisyon nen Jehova?’