“Ekal Yo Iray Sananey a Dirios”

Amta nen Jacob ya si Jehova labat so Dios ya nepeg a dayewen, anggano diad saman et anggapo ni inter Ton ganggan nipaakar ed idolatriya. (Ex 20:3-5) Kanian nen imbaga nen Jehova ed sikato ya ompawil lad Bethel, binilin nen Jacob so amin ya kakaiba to ya ekalen da ray idolo ra. Insan imbantak nen Jacob iray idolo, pati saray ikaw, ya posiblin isusulong da bilang anting-anting. (Ge 35:1-4) Seguradon aliketan si Jehova ed ginawa nen Jacob.

Panon tayon nipanengneng natan ya si Jehova labat so dadayewen tayo? Importante ya paliisan tayoy antokaman ya walay koneksion tod idolatriya odino espiritismo. Kaibad satan so pangekal ed antokaman ya walay pikonektaan to ed okultismo, tan nepeg ya pilien tayon maong iray panagligliwaan tayo. Singa bilang, itepet mod sarilim: ‘Kasin labalabay ko ray libro odino pelikula ya nipaakar ed bampira, zombie, odino saramay walaan na superpower? Kasin ipapanengneng na saratan ya singa anggapoy uges na panagmahiko odino panagkulam?’ Nepeg tayon arawian so antokaman ya kabusol nen Jehova.​—Sal 97:10.

BANTAYAN SO VIDEO YA “SUMPAEN SO DIABLO,” INSAN EBATAN IRAYA:

• 

  Antoy nagmaliw a problema na sakey ya iyaaralan na Biblia ya si Palesa?

• 

  Akin ya importantin kerewen so tulong na saray elder no walay onlesan problema nipaakar ed espiritismo?

• 

  Pian protektaan itayo nen Jehova, anto ray kaukolan tayon paliisan tan ibantak?

• Antoy desididon ginawa nen Palesa?

• Diad lugar yo, anto ray arum ya paraan pian napaliisan yoy impluensya na saray demonyo?