BILAY NA KRISTIANO

Manpaabeba Sano Irarayew na Arum

No maminsan, nayarin irayew odino komendaan itayo na arum. Makapaseseg iya ed sikatayo lalo la no imbaga da itan ya nanlapud puso tan maong so motibo ra. (Pro 15:23; 31:10, 28) Balet agtayo komon aabuloyan ya lapud satan et magmaliw tayo lan mapaatagey odino isipen tayon mas maong itayo nen say arum.

BANTAYAN SO VIDEO YA MANMATOOR A SINGA SI JESUS—NO IRARAYEW, INSAN EBATAN IRAYA:

Akin ya no maminsan et irarayew itayo na arum?
Panon ya inrayew na saray agagi si Andrei?
Akin ya asobraan day impangirayew ed sikato?
Anto ray naaralan mo ed mapaabeban inyebat nen Andrei?

Saray eksena ed video ya ‘Manmatoor a Singa si Jesus—No Irarayew,’ si Andrei ya walad abung na sakey ya agi tan mapaabeban inmebat sanen irarayew na saray agagi ya maong met so intension da.