KAYAMANAN ED SALITA NA DIOS | EXODO 35-36

Tinulongan Ira nen Jehova ed Kimey Da

Tinmulong so masanton espiritu nen Jehova ed si Bezalel tan Oholiab pian natumbok day detalyadon desinyo parad tabernakulo. Iiter met natan nen Jehova so masanton espiritu to. Antoy gawaen tayo balet pian naawat itan?

Kerewen so masanton espiritu pian nausar o napaaligwas iray abilidad tayo parad si Jehova
Makulin aralen so Biblia, say pinuyanan ya Salita na Dios
Impapuson gawaen so anggan anton asainmin

Litrato: Saray Tasi nen Jehova ya gagawaen day nanduruman asainmin da ed organisasyon. 1. Saray sister ya ontutulong ed konstruksion. 2. Brother ya manpaparaan parad pangikondukta na Panagaral ed ‘Panag-bantayan.’ 3. Brother ya pupulongan toy sakey ya negosyante legan ya oobserbaan na brother ya ka-partner to iray onkokontrad kimey tayo. 4. Sanasawa ya manaaral ed School for Kingdom Evangelizers.

Diad anto ran asainmin ya nailaloan moy tulong nen Jehova?