Ipapanengneng Tayoy Panangaro No Susuportaan Tayoy Panagdisiplina nen Jehova

Say panagdispelo et protektaan toy kongregasyon tan disiplinaen toy agmagbabawin nankasalanan. (1Co 5:6, 11) No suportaan tayo iyan panagdisiplina ya manlalapu ed si Jehova, ipapanengneng tayoy panangaro. Balet panon ya nibagan panangaro so panagdispelo anta ansakit itan ed samay adispelo, say kapamilya to, hudisyal a komite, tan arum ni?

Manuna ed amin, nipapanengneng tayon sankanonot tayoy reputasyon tan inkasanto nen Jehova. (1Pe 1:14-16) Nipapanengneng tayo met so panangaro ed samay adispelo. Anggano ansakit so disiplina, manresulta itan ed “mareen a bunga, salanti, inkatunong.” (Heb 12:5, 6, 11) No piulopan tayoy sakey ya adispelo odino sakey ya sinmian ed kongregasyon, kokontraen tayoy disiplina nen Jehova. Tandaan, “dugaruga labat so disiplina” nen Jehova ed totoo to. (Jer 30:11) Iilaloan tayo ya ompawil ed mapangasin Ama tayo so sakey ya adispelo. Balet, susuportaan tayo so panagdisiplina nen Jehova tan pansiasiansiaen tayoy espiritual ya rotina tayo.​—Isa 1:16-18; 55:7.

BANTAYAN SO VIDEO YA MANSIANSIAN MATOOR DIAD INTERON PUSO, INSAN EBATAN IRAYA:

• 

  Antoy nalikna na Kristianon atateng no taynan na anak da si Jehova?

• 

  Panon ya natulongan na kongregasyon iray matoor ya kapamilya na adispelo?

• 

  Anton istorya ed Biblia so mangibabangat ed sikatayo ya mas importante so katooran ed si Jehova nen say diad kapamilya?

• 

  Panon tayon nipanengneng ya mas matoor tayo ed si Jehova nen say diad kapamilya?