Kasin Labay Moy Man-aplay ed School for Kingdom Evangelizers?

Kasin mantaon kay 23 anggad 65 tan wala kad full-time ya panaglingkor? Kasin maksil so laman mo, tan sarag moy manlingkor ed lugar ya mas baleg so pankaukolan? No on so ebat mo ed sarayan tepet, kasin nan-aplay ka la ed School for Kingdom Evangelizers? Manlapud samay unonan klase, nilibon sanasawa, single ya brother, tan single ya sister so nan-aplay. Balet, kaukolan tayoy mas dakel ya single ya brother ya man-aplay. Kanian, ipikasim ed si Jehova ya sikatoy mas napaliket mo komon tan naalig moy Anak to. (Sal 40:8; Mat 20:28; Heb 10:7) Insan manggawa kay paraan no panon ya nabawasan so oras mod trabaho odino arum nin responsabilidad mo pian onkualipika ka.

Anto ran pribilehyo so lukas ed saray nan-graduate ed sayan eskuelaan? Saray arum et iyaasain ya manlingkor ed saray lugar ya sananey so lenguahe odino mibiang ed special metropolitan public witnessing. Kayari pigaran panaon, saray arum et iyaasain bilang sub-CO, CO, odino misionero. Legan mon iisipen iray goal mo diad panaglingkor ed si Jehova, komon ta alig moy Isaias, ya kuan to: “Wadia ak! Ibaki mo ak!”​—Isa 6:8.

BANTAYAN SO VIDEO YA SARAY MISIONERO—MANKIKIMEY ED PANAG-ANI, INSAN EBATAN IRAYA:

• 

  Panon ya napipili iray misionero?

• 

  Anton maabig ya kimey so nagagawaan na saray misionero?

• 

  Anto ray naaawat ya bendisyon na saray manlilingkor bilang misionero?