Iyilustra Iray Manunan Punto

No papawilen tayo ray interesado odino mangiyaaral tayoy Biblia, kaukolan tayo ran tulongan ya natalosan iray manunan punto. No iyilustra tayo irayan punto, nasabi tayoy puso ra tan mainomay dan natandaan iray naaralan da.

No manpaparaan ka pian pawilen iray interesado odino pian mangiyaral na Biblia, anap mo ray manunan punto ya labay mon iyilustra, aliwan saray angkelag ya detalye. Insan ka manisip na simpli labat iran ilustrasyon ya nanengneng ed inagew-agew a panagbilay. (Mat 5:14-16; Mar 2:21; Luc 14:7-11) Seguroen ya ikonsidera no anto ray binalegan tan apasalan na katongtong mo. (Luc 5: 2-11; Jn 4:7-15) No nanengneng mon linmiwaway lupa to lapud atalosan toy punto, seguradon naliketan ka.

BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—PAALIGWASEN SO DUNONG MO—IYILUSTRA IRAY MANUNAN PUNTO, INSAN EBATAN IRAYAN TEPET:

• 

  Akin ya nayarin kaukolan na saray iyaaralan tayo so tulong pian natalosan da ray bersikulo na Biblia?

• 

  Panon ya inyilustra nen Neeta so katuaan ya nabasad Roma 5:12?

• 

  Antoy epekto na maabig ya ilustrasyon ed saray katongtong tayo?

• Akin et kaukolan tayon usaren ed ministeryo tayo iray video tan arum ni ran uusaren ed panagbangat ya itatarya na organisasyon nen Jehova?