Usaren so Panliketan so Bilay ya Anggapoy Anggaan! Diad Ministeryom

Seguradon eksayted tayo ed balon brosyur tan libro ya usaren tayo ed panangiyaral na Biblia! Ipikasi tayo ya bendisyonan nen Jehova iray sagpot tayo ya nawalaan na mas dakel nin babangatan. (Mat 28:18-20; 1Cor 3:6-9) Panon tayon usaren iratan?

Balo so paraan na panangiyaral na Biblia ed sayay Panliketan so Bilay ya Anggapoy Anggaan! kanian tumboken irayan instruksion legan kan manpaparaan tan mangiyaaral na Biblia.a

• Basaen so kada parapo, insan pantongtongan iray tepet

• Basaen iray “basaen” ya teksto, tan tulongan so iyaaralan mo ya talosan no panon ya iyaplika iratan

• I-play tan pantongtongan iray video, insan ebatan iray tepet

• Mas maabig no nasumpal so sakey a leksion ed kada panaral

Diad ministeryo, iyopresi nin unona so brosyur pian naamtaan mo no kasin interesado so katongtong mo. (Nengnengen so kahon ya “No Panon ya Iyopresi so brosyur ya Panliketan so Bilay ya Anggapoy Anggaan! diad Unonan Pitongtong.”) No nasumpal yon aralen so brosyur tan labay nin ituloy na iyaaralan mo, sarag mon iyopresi so libro tan igapo yo ed leksion 04. No walay peles ya iyaaralan mo ed dinanman ya publikasyon ya uusaren tayod panangiyaral na Biblia, iyalis mo lad libron Panliketan so Bilay ya Anggapoy Anggaan! tan determinaen no iner yo igapo so panaral ed satan.

BANTAYAN SO VIDEO YA WELCOME ED PANAG-ARAL NA BIBLIA, INSAN EBATAN IRAYAN TEPET:

• Antoy naaralan na saray iyaaralan ed balon libro?

• Akin et nepeg mon ipabantay iyan video ed saray balon iyaaralan?

• Anto ray ipaseseg mo ed iyaaralan mo ya nayarin gawaen to?—Nengnengen so tsart ya “Saray Topic tan Nayarin Gawaen ed Kada Seksion”