KAYAMANAN ED SALITA NA DIOS

Manmatalek ed Tulong nen Jehova

Dedengelen nen Jehova iray ikekerew tayoy tulong (2Sa 22:7)

Mas mabiskeg si Jehova nen say antokaman ya kalaban (2Sa 22:14-18; cl 19 ¶11)

Matoor si Jehova ya ontulong ed sikatayo (2Sa 22:26; mwbr22.07—w10 6/1 26 ¶4-6)

Saray Litrato: 1. Akalespak tan akatuek so kabataan ya sister legan ya eeyagan na nanay to tan pipilaten na nanay to iray literatura to. 2. Babasaen na satan lanlamang ya sister so Biblia to. 3. Mitotongtong so sister ed saray agagi diad Kingdom Hall.

Sarasarag nen Jehova ya ekalen iray subok ya dadalanen tayo. Balet kaslakan, say gagawaen to et tutulongan to tayon nasarag iratan panamegley na masanton espiritu to, say Salita to, tan saray agagi. (Sal 55:22) Anto ray nayarin gawaen tayo pian naawat tayoy tulong na Dios?