KAYAMANAN ED SALITA NA DIOS

No Antoy Naaralan Tayo ed Duaran Lusek

Walay duaran angkabaleg ya lusek ya impaalagey diad balkonahe na templo (1Ar 7:15, 16; w14 1/1 13 ¶3)

Naikdan na makabaliksan iran ngaran iray lusek (1Ar 7:21; mwbr22.07—it-1 348)

Tulongan nen Jehova iray totoo to ya ‘iletneg a malet’ so templo basta manmatalek irad sikato (1Ar 7:21, paimanod leksab; Sal 127:1)

Ompan tinulongan itayo la nen Jehova ya nalampasan iray dakel ya subok kanian nagmaliw itayon lingkor to. Balet kaukolan tayo ni tuloytuloy ya mantiwala ed sikato pian ‘nabembenan tayon malet so pananisia tayo.’—1Co 16:13.

Saray Litrato: 1. Inawat na sakey a bii so brosyur ya “Panliketan so Bilay ya Anggapoy Anggaan!” ya inter na sakey a sister diad tindaan. 2. Pannononotan na bii so bisyo ton panagsigarilyo legan ton babasaen so libron “Panliketan so Bilay ya Anggapoy Anggaan!” diad abung to. 3. Nampabautismo imay bii.

TEPETAY SARILIM, ‘Panon kon ipapanengneng ya mantitiwala ak ed si Jehova?’