Tutulongan Itayo nen Jehova ya Nalampasan Iray Subok

Legan na sarayan kaunoran iran agew, dakel iran mairap ya subok so naeksperiensya tayo. No maminsan, lapud kabelat na saratan et singa agtayo la nasarag. Balet no itultuloy tayoy onapit ed si Jehova, tulongan to tayon nasungdoan so anggan sankairapan la ran subok. (Isa 43:2, 4) Panon tayon onapit ed si Jehova legan tayon ondadalan ed saray subok?

Pikakasi. No ipaamta tayod si Jehova so amin ya walad puso tayo, ikdan to tayo na kareenan tan biskeg na linawa pian makapansungdo.—Fil 4:6, 7; 1Te 5:17.

Saray aral. Kakkaukolan tayo natan so espiritual a naakan tan pipiulop ed saray agagi ya itatarya nen Jehova ed saray aral tayo. (Heb 10:24, 25) No manpaparaan itayo, onaatendi, tan mibibiang ed saray aral na kongregasyon, nagunggonaan tayon maong ed tulong na espiritu nen Jehova.—Apo 2:29.

Ministeryo. Mas mainomay tayoy manpokus ed saray positibon bengatla no gagawaen tayoy anggaay nayarian tayon mansiansian aktibo ed ministeryo. Napaelet tayo met so pikakaaro tayo ed si Jehova tan saray kaiba tayon mibibiang ed panagpulong.—1Co 3:5-10.

BANTAYAN SO VIDEO YA ASIKASOEN KA NEN JEHOVA, INSAN EBATAN IRAYA:

• Antoy akatulong ed si Malu ya mansiansian maapit ed si Jehova legan ya ondadalan ed saray subok?

  Your answer

• Singa si Malu, panon ya makaligliwa ed sikatayo so ibabaga na Salmo 34:18 no nasusubok itayo?

  Your answer

• Panon ya ipapanengneng na eksperiensya nen Malu ya iiter ed sikatayo nen Jehova so ‘pakayari a mas mabiskeg nen say pakayari na too’?—2Co 4:7

  Your answer