Anto ray Goal Mo Parad Balon Serbisyon Taon?

Kaiba ed saray goal tayod espiritual so antokaman ya pansasagpotan tayon aboten pian mas napanlingkoran tayoy Jehova tan napaliket tayo. Ontutulong iratan ed sikatayo pian ontatken tayod espiritual kanian seguradon nabawbawi tayoy pangusar tayod panaon tan biskeg tayo parad saratan. (1Ti 4:15) Akin et kaukolan tayon lanang ya usisaen iray goal tayo? Lapud manguuman iray kipapasen tayo. Nayarin aliwa lan realistiko so datin goal tayo, odino nabot tayo la kanian kaukolan tayo lamet so manpili na sananey.

Say sankaabigan ya panaon pian usisaen iray goal tayo et antis ya onggapo so balon serbisyon taon. Sarag yon pantongtongan itan diad family worship yo tan manpili so kada sakey na goal to, tan manpili kayo met na goal parad interon pamilya yo.

Dinan ed sarayan goal so labay mon aboten, tan anto ray gawaen mo pian naabot mo iratan?