BILAY NA KRISTIANO

Tulongan Iray Totoon Aliwan Relihyoso Pian Nakabat Day Amalsa ed Sikara

Kasin manaalangan kan pulongan iray totoon aliwan relihyoso ta iisipen mon ompan ag-ira lanlamang ondengel? No on, tandaan mo ya dakel so nagmaliw ya Tasi nen Jehova ya dati et aliwa ran relihyoso, tan arum ni ingen ed sikara et ateista. Pero kaslakan et kaukolan da labat so tulong pian naaralan da ray ebidensya ya walay Dios.—Rom 1:20; 10:14.

BANTAYAN SO VIDEO YA NONOTEN—SARAY AGMANISIA ET SARAG DAY NAWALAAN NA PANANISIA!—SARAY ALIWAN RELIHYOSO, INSAN EBATAN IYAN TEPET:

Panon kan atulongan na eksperiensya nen Tommaso ya positibon manpulong ed saray totoon aliwan relihyoso?

Say ebat mo

No panon mon gawaen

No walay toon mangibagad sika ya agkuno manisia ed Dios, dapat makaaro, mataktika, tan ipanengneng mo ya talagan interesado ka ed iisipen tan nalilikna to. (2Ti 2:24) Mas maong no say ibagam lad sikato et saray topic ya nayarin paninteresan to. Kasin labay ton pantongtongan iray ebidensya ya akatulong lad dakel pian panisiaan day Amalsa? No on, usaren iray publikasyon tan video ya ginawa parad satan. Inyarum ed Uusaren ed Panagbangat iray brosyur ya Pinalsa Kasi Bilay? tan The Origin of Life—Five Questions Worth Asking pian mas mainomay iratan ya naalmo.

Diad gapo, ompan manaalangan kan itongtong so katuaan ed toon agmanisia ed Dios. Anto kasi no manpatulong kad sakey ya eksperiensyadon manangipalapag? Tandaan mo met ya sarag itayon tulongan nen Jehova ya sabien so puso na saramay walaan na dugan kipapasen so puso ra—anggano diad unaan et ag-ira manisia ya walay Dios.—Gaw 13:48.