Kasin Dedengelen na Dios iray Pikakasim?
No manpipikasi ka, talaga kasin dedengelen ka na Dios?
ANTOY IBABAGA NA BIBLIA?
Ondedengel so Dios ed sika. Ipapaseguro ed sikatayo na Biblia ya “si Jehova et asingger ed amin ya ontatawag ed sikato, amin ya ontatawag ed sikato diad katuaan. . . . Dedengelen to so ikekerew day tulong.”—Salmo 145:18, 19.
Labay na Dios ya manpikasi ka ed sikato. Oniay ibabaga na Biblia ya gawaen tayo: “Diad amin a bengatla et ipaamta yo ed Dios iray kerew yo diad panamegley na pikakasi tan masimoon a pikekerew tekep na pisasalamat.”—Filipos 4:6.
Talagan walay malasakit na Dios ed sika. Amta na Dios so amin ya problema tan pakakaaburidoan tayo, tan labay to tayon tulongan. Ibabaga na Biblia: “Ipaawit yod sikato so amin a kapagaan yo, lapud iyaansakit to kayo.”—1 Pedro 5:7.