Magano Lan Ekalen na Dios so Amin ya Problemad Isip
Panamegley na Biblia, iiter na Dios iray advice tan ligliwa ya kailangan na saramay walay problema ed isip.
Pero aliwan satan labat so ginawa na Dios. Impromisa to ya permanente ton ekalen so amin ya sengegan na problema ed isip.
Sano tooren la itan na Dios, “agla nanonotan” iray maer-ermen tan makapasakit ya liknaan. On, “agla iratan mansiansia ed puso.”—Isaias 65:17.
Labalabay kan tulongan na Saray Tasi nen Jehova pian naamtaan mo no kapigan tan no panon ya tooren na Dios iyan balibalin promisa to.