Mansiansia Kan Alerto No Maaral Kay Biblia

Basaen so Daniel 9:​1-19. Amtaen no antoy nitulong ed sika no lanang kan manaaral na Biblia.

Basaen iray bersikulo antis tan kayari to tan. Antoy agawa ed Babilonia, tan antoy epekto to ’tan ed si Daniel? (Dan. 5:29–6:5) Antoy naliknam no sikay walad situasyon nen Daniel?

Aralen iray detalye. Anto ran “sagradon libro” so binasa nen Daniel? (Dan. 9:​2, paimanod leksab; w11 1/1 22 ¶1) Akin et impatua nen Daniel ed Dios iray kasalanan to tan saray kasalanan na bansan Israel? (Lev. 26:​39-42; 1 Ara. 8:​46-50; dp kap. 11 ¶4-9) Panon ya nanengneng ed samay pikakasi nen Daniel ya sikatoy maaral na Salita na Dios?—Dan. 9:​11-13.

Isip mo no antoy naaralan mo. Tepetan moy sarilim:

• ‘Antoy gawaen ko pian mansiansia ak ya akapokus ed espiritual anggano wala ray makapabiglan nagagawa ed mundo?’ (Miq. 7:7)

• ‘No maaral ak na Salita na Dios ya singa si Daniel, antoy nitulong to ’tan ed siak?’ (w04 8/1 12 ¶17)

• ‘Anto ray sarag kon i-personal study pian “tuloytuloy ak ya akabantay”?’ (Mat. 24:​42, 44; w12 8/15 5 ¶7-8)