Nepeg ya Duga so Pangusar Mod Espiho

Inkompara na disipulon si Santiago so Biblia ed espiho, ta makatulong so Biblia pian nanengneng tayoy tuan inkatoo tayo. (Sant. 1:​22-25) Panon tayon nausar so Biblia bilang espiho diad dugan paraan?

Talosan mon maong so babasaen mo. No maganggano tayon onnengneng ed literal ya espiho, ompan agtayo naimano iray aliwa ed itsura tayo. Ontan met ed panagbasay Biblia. No mapmaples so panagbasa tayo, agtayo nanengneng no antoy ray kaukolan tayon umanen ed sarili tayo. Kanian mas maabig no matantan labat so pambasa tayo tan talosan tayon maong.

Manpokus kad sarilim, aliwan diad arum. No mani-espiho tayo, say nanengneng tayo no maminsan et saray totoon walad kaliber-liber tayo tan no antoy aliwa ed itsura da. Nayarin nagawa met itan no manbabasa tayoy Biblia. Ompan say sankanonot tayo et say kakapuyan na arum ya too. Pero no atan so pampokusan tayo, agtayo naipetek iray mismon kakapuyan tayo.

Magmaliw ya balanse. No say nanenengneng tayo labat ed espiho et aramay agtayo labay ed itsura tayo, ompan nadismaya tayo. Kanian no manbabasa tayoy Biblia, dapat balanse o makatunongan tayo. Ta no andi, ompan mas atagtagey so iilaloan tayod sarili tayo nen say iilaloan nen Jehova ed sikatayo.—Sant. 3:17.