Ibagam ed Arum Iray Nanaaralan Mo

Naiinawaan tayo no manpe-personal study tayo, pero mas nainawaan tayo no ibaga tayod arum iray espiritual ya kayamanan ya akotkot tayo. Oniay ibabaga na Proverbio 11:25: “Siopaman a paiinawaen toy arum et nainawaan met.”

No ibabaga tayod arum iray nanaaralan tayo, mas natandaan tayo iratan tan magmaliw ya mas malinew ed isip tayo iray katuaan. Tan seguradon naliketan tayo ta amta tayon minabang met ira ed saratan ya espiritual ya kayamanan.—Gawa 20:35.

Salien iya: Diad ontumbok ya simba, manisip kay paraan no panon mon nibagad arum iray naaralan mod personal study’m. Nayarin ibagam itan ed kapamilyam, kakongregasyon mo, katrabahom, kaklasem, kaabay yo, tan anggan diad saray nakatongtong mo ed ministeryo. Ibagam iratan ya punto diad malinew tan simplin paraan, tan diad sarilin salitam.

Tandaan: Say rason no akin ya ibagam ed arum so nanaaralan mo et pian napaseseg mo ra, aliwan pian pabiliben ira.—1 Cor. 8:1.