Kasin Manisia Iray Tasi nen Jehova ya Sikaray Tuan Relihyon?

Saramay seryoso nipaakar ed relihyon et manisian say pinili da et aaprobaan na Dios tan nen Jesus. Ta no andi, akin et onloob ni rad satan?

Ag-imbaga nen Jesu-Kristo ya dakel so relihyon, odino dalan ya onarap ed kilalaban. Imbes, say imbaga to et: “Mainget so puerta tan makisir so dalan ya ompugta ed bilay, tan daiset so makakaromog ed satan.” (Mateo 7:14) Manisia iray Tasi nen Jehova ya aromog da itan a dalan ya onarap ed bilay. Ta no andi, mananap iray sananey a relihyon.