Akin et Agmanguusar na Krus Iray Tasi nen Jehova?

Parad dakel a totoo, say krus so simbolo na Kristianismo. Saray Tasi nen Jehova et Kristiano, balet agkami manguusar na krus. Akin ey?

Base ed Biblia, say sakey a rason et lapud ag-inatey si Jesus ed krus noagta diad poste odino lusek. Sakey ni, wala may ibabaga na Biblia ya saray Kristiano et nepeg dan ‘ibatikan so idolatriya.’ Labay ya ibaga na satan ya agtayo nepeg a mangusar na krus ed panagdayew.​—⁠1 Corinto 10:14; 1 Juan 5:21.

Makapainteres iyan imbaga nen Jesus: “Diad saya et naamtaan na amin a sikayo iray disipulok, no manaaroan kayo.” (Juan 13:34, 35) Saray tuan papatumbok sirin nen Jesus et nabirbir ed masakripisyon aro da, aliwan say pangusar na krus o arum nin imahen.