Paimano ed leksab

a Alimbawa, sanen tinepetan na Samaritana no akin a say sakey a Judio, a singa si Jesus, et mitotongtong ed sikato, sinalambit to so nipaakar ed pigay siglo lan irangan na sayan duaran grupo na totoo. (Juan 4:9) Inkuan to met a saray totoo ed baley to so nanlapu ed si Jacob, sakey a bengatlan susuppiaten na saray Judio diad saman a panaon. (Juan 4:12) Say tawag da ni ingen ed saray Samaritano et saray taga-Cutha pian ipabitar a sikaray nanlapud poli na saray dayo.