Paimano ed leksab

c Mandumaay Lucas tan Mateo ed impangisulat dad impantutumbokan na saray tukso, balet say salaysay nen Mateo et mapatnag ya insulat to base ed no anton talagay akaunan agawa. Niay taloran rason. (1) Inggapo nen Mateo so komaduan impantukso diad salitan “insan,” ya mangipapanengneng ya satan so sinmublay ya agawa. (2) Duga labat ya makauna iramay duaran agnaliklikas ya impantukso, ya parehon ginmapo ed saray salitan “No anak kay Dios,” insan tumbokan na direktan impantukso pian nakontra so unona ed saray samploran ganggan. (Exo. 20:2, 3) (3) Mas natural ya samay inkuan nen Jesus ya “Arawi ka, Satanas!” et imbaga to kayari na komatlo tan unor ya impantukso.​—Mat. 4:5, 10, 11.