Paimano ed leksab

b Niiter so detalyadon salaysay ed pananuporta na klero ed Guerra Mundial I diad libron Preachers Present Arms, nen Ray H. Abrams (Nueva York, 1933). Inkuan na libro: “Saray klero so angiter ed bakal na maaron espiritual a kakanaan tan biskeg. . . . Say bakal a mismo so sakey a masanton bakal diad pangiyalibansa ed Panarian na Dios ed dalin. Say pangiter na sakey ed bilay to a para ed bansa to so pangiter to ed satan diad Dios tan diad Panarian To. Say Dios tan bansa so nagmaliw a nankasakey. . . . Say Aleman tan saray Alyados so nampapara ed sayan pamaakaran. Kada dapag so manisia a sikato so walaan na Dios . . . Kaslakan ed saray teologo so andian na kairapan diad pangipasen ed si Jesus diad mismon unaan ed sankapetangan a panlalaban a mangipaarap ed saray trupa to diad impanbiktorya. . . . Say iglesia ed saman so nagmaliw a kabiangan tan parte na sistema na bakal. . . . Saray papangulo [na iglesia] so ag-angabala ed panaon diad impangorganisa ed panaoy-bakal a letnegan. Diad loob na duamplo-tan-apat oras ed kayari na impangideklara ed bakal, say Konsilyo Pederal na saray Iglesia nen Kristo ed America so namplano ed sankagnapan a kooperasyon. . . . Dakel ed saray iglesia so nampatuloy nin malaknab nen say impangerew ed sikara. Sikara so nagmaliw a managtugyop iran estasyon a para ed panagpalista ed trupa.”​—Pahina 53, 57, 59, 63, 74, 80, 82.