Paimano ed leksab

a Arum niran bengabengatla, ibaga na sayan artikulo: “Anggapo nin balot so ontan a malaknab a panagtasi na katuaan a singa legan na apalabas iran pigaran taon. . . . Say nakdaan so mangitarok ed sikara na magayagan mensahe, tan sikaray mangikuan: ‘Tan siopaman a manggawa, abuloyan a mangala na danum na bilay a sibubulos.’ Imbaga ed sikato a sikaray mangala na talindeg da ed dapag na Katawan, tan sumpad say Diablo, tan mangawat na bendisyon. Agta satan so sakey a klase na totoon naynay a mananap na kauyamoan tan inkatunong, tan niamot ed agew na pangibales ed sanok to, tan nitarok ed baleg a bakal na Armagedon tan manbilay ed ando lan ando tan ag-ompatey? (Sof. 2:3) . . . Say matoor a nakdaan a klase so akiulop ed imbitasyon tan inkuan, ‘Gala.’ Sayan mensahe so angiyabawag ed saramay manpilalek ed inkatunong tan katuaan. Nepeg a gawaen itan natan.”