Paimano ed leksab

a Say Donatismo et sakey a “Kristianon” sekta nen komapat tan komaliman siglo K.P. Saray patumbok to so angikuan a say inka-epektibo na saray sakramento so mandependi’d moral a walna na ministro tan say iglesia so nepeg a mangekal ed saray membro ton graben mankasalanan. Say Arianismo so sakey a “Kristianon” pakurang nen komapat a siglo ya angiburi ed inkamadibino nen Jesu-Kristo. Imbangat nen Arius a say Dios et ag-inilalak tan andiay gapoan. Say Anak, lapud inilalak, so agmagmaliw a Dios ed parehon pantalos a sikato met so Ama. Aliwan andi-anggaan so inlesa na Anak noagta pinalsa tan niwala ed linawa na Ama.