Paimano ed leksab

a Arum a Kristianon mantratrabaho ed saray ospital so kaukolan a mangonsidera ed sayan pamaakaran na pakauley. Say sakey a doktor et walaan na pakauley a mangiganggan no anto iray itambal odino paraan na pantambal ed sakey a pasienti. Anggano labay na sakey a pasienti, panon a makapangiganggan so sakey a Kristianon doktor a walad pakauley nipaakar ed panangisaksak na dala odino pan-aborsyon, anta amta toy ibabaga na Biblia ed ontan iran pamaakaran? Diad pidumaan, say nars ya empleyado ed ospital so andian na ontan a pakauley. Legan a susumpalen toray rotinan serbisyo to, nayarin sikatoy iganggan na doktor a man-eksamin na dala nisesengeg ed sakey a gagala odino asikasoey sakey a pasientin nampa-ekal. Mitunosan ed alimbawan nirekord ed 2 Arari 5:17-19, nayarin ikuanton lapud anggapoy pakauley to a mangiganggan ed panangisaksak odino mangipakurang na aborsyon, nayarin nagawaan toray serbisyon parad sakey a pasienti. Siempre, nepeg ton ikonsideray konsiensia to, ta pian “manbilay ed arap na Dios ed amin a kaabigan na konsiensia.”​—Gawa 23:1.