Paimano ed leksab

a Diad akaunan artikulo na sayan serye, naamtaan tayon si Ester et tinagibi na kapinsan ton mas matatken nen say sikato, si Mardokeo. Asabi panaon, si Ester et pinili nen Asuero, say ari na Persia, pian magmaliw ya asawa to. Say managsimbawa na ari a si Haman et nanggawa na plano pian ipapatey so amin ya kabaleyan nen Mardokeo, saray Judio. Kinombinse nen Mardokeo si Ester ya onasingger ed ari pian mikasi parad saray kabaleyan to.​—Nengnengen so artikulon “Aligen so Pananisia Ra​—Kinmiwas Parad Totoo na Dios,” diad Oktubre 1, 2011 ya isyu na Say Panag-bantayan.