Paimano ed leksab

g Parapo 16: Ibabaga na Daniel 12:3 ya “saray makabat [saray alanaan a Kristiano] onsinag ira naani a singa sinag na tawen.” Legan a wadia ni rad dalin, gagawaen da iya diad pibibiang ed panagpulong. Balet, ipapaimano na Mateo 13:43 so panaon sano onsinag ira a maliwliwawa diad Panarian ed tawen. Diad apalabas, say abaloan tayo et parehon ontutukoy iyan duaran teksto ed kimey a panagpulong.