Paimano ed leksab

a Diad Gawa 20:29, 30, imbaga nen Pablo ya diad saray Kristianon kongregasyon et “wala ray lalakin ontalindeg tan mansalita na pikewet iran bengatla pian tangguyoren iray disipulo ya ontumbok ed sikara.” Papaneknekan na history ya sinmabi panaon ya ipapasen a mas atagey iray klero o papari nen saray membro. Kasabi komatlon siglo C.E., say “too na kaugsan et mapatpatnag ya saray klero na Kakristianoan bilang grupo.”—Nengnengen so Pebrero 1, 1990 ya Say Panag-bantayan, pahina 8-12.