Paimano ed leksab

a Labalabay tayon napaliket si Aman Jehova ta inar-aro tayo. Si Jehova et masanton Dios, kanian igaganggan to ray lingkor to ya magmaliw met iran masanto. Pero, nagawaan tayo kasi itan ta agtayo perpekto? On, sarag tayo. Naamtaan tayo no panon tayon magmaliw a masanto ed amin ya gagawaen tayo no aralen tayo may bilin nen apostol Pedro ed saray inmuunan Kristiano. Aralen tayo met iray instruksion nen Jehova ed saray Israelita nensaman.