LEKSION 55
Suportaan Moy Kongregasyon Yo
Diad interon mundo, minilyon ya totoo so malikeliket ya mandadayew ed si Jehova diad nilibon kongregasyon. Malikeliket ira ed saray naaawat dan instruksion tan bilin, kanian labalabay dan suportaan so kongregasyon. Sika ey? Ontan met so naliliknam ed kongregasyon yo?
1. Panon mon usaren so panaon tan kasil mo pian nasuportaan so kongregasyon?
Walay nitulong tayon amin ed kongregasyon. Singa bilang, wala ray kakongregasyon yo ya maedad la odino walay kapansanan to? Ompan sarag yo ran abeten pian makapiaral ira, itindaanan o ilinisan na abung. (Basaen so Santiago 1:27.) Sarag tayo met so manboluntaryon manlinis tan manmintina na Kingdom Hall tayo. Anggapoy mamipilit ed sikatayon gawaen iraya. Lapud inaro tayoy Dios tan saray agagi, “mabulbulos [tayon] iyapay so [sarili tayo].”—Salmo 110:3.
Wala ni ray paraan pian nasuportaan na saray bautismadon Tasi so kongregasyon. Saray kualipikado tan maespiritual ya brother et nayarin magmaliw ya ministeryal ya lingkor, tan nasabi panaon et manlingkor ya elder. Sarag met ya suportaan na saray agagin lalaki tan bibii so panagpulong diad pampayunir da. Say arum ya agagi et nayarin ontulong pian mangipaalagey na saray pasen ya pandadayewan odino onalis ed kongregasyon ya mankaukolan.
2. Panon tayon nausar so walad sikatayo pian suportaan so kongregasyon?
“Igalang [tayoy] Jehova diad panamegley na mablin kaykayarian [tayo].” (Proverbio 3:9) Ipapasen tayon pribilehyo so pandonasyon na kuarta tan arum nin walad sikatayo pian suportaan so kongregasyon tan say panagpulong ed interon mundo. (Basaen so 2 Corinto 9:7.) Uusaren met iray donasyon tayo parad disaster relief. Say arum et regular ya ‘mangibibiig’ na idonasyon da. (Basaen so 1 Corinto 16:2.) Sarag tayoy mangipelag na donasyon tayo diad donation box ya walad lugar ya pandadayewan tayo odino online, diad donate.jw.org. Iikdan itayo nen Jehova na pankanawnawa ya ipanengneng so panangaro tayo ed sikato diad pangusar tayo ed kuarta tan arum nin walad sikatayo.
DAKEL NI NAARALAN MO
Amtaen iray arum nin paraan ya nasuportaan moy kongregasyon.
3. Sarag tayon usaren so walad sikatayo
Inaro nen Jehova tan Jesus iray maliket ya mangiiter. Singa bilang, inimano nen Jesus may balon bii ya nansagpot ya nandonasyon anggano mair-irap so bilay to. Basaen so Lucas 21:1-4, insan ebatan iraya:
Kailangan kasin baleg so idonasyon tayo pian napaliket si Jehova?
Antoy nalikna nen Jehova tan Jesus no maliket tayon mandonasyon?
Pian naamtaan so panguusaran ed saray donasyon tayo, i-play so VIDEO. Insan ebatan iya.
Panon ya natutulongan na saray donasyon tayo iray kongregasyon ed interon mundo?
4. Sarag tayoy manboluntaryo
Nensaman, makulikuli iray mandadayew ed si Jehova ya asikasoen iray lugar ya pandadayewan da, tan aglabat ira mandodonasyon. Basaen so 2 Awaran 34:9-11, insan ebatan iya:
Panon ya akitulongan so kada Israelita pian naasikasoy abung nen Jehova odino lugar ya pandadayewan da?
Pian nanengneng no panon ya tutumboken na Saray Tasi nen Jehova itan ya alimbawa, i-play so VIDEO. Insan ebatan iraya.
Akin et kailangan ya malinis tan naaasikaso so Kingdom Hall tayo?
Panon kan makapitulongan?
5. Sarag na saray brother ya pankimeyan so kaaruman ya responsabilidad
Ibabaga na Biblia ya balibali no gawaen na saray Kristianon lalaki so anggaay nayarian da ya suportaan so kongregasyon. Pian nanengneng so sakey ya alimbawa, i-play so VIDEO. Insan ebatan iya.
Diad video, antoy ginawa nen Ryan pian mas nasuportaan to so kongregasyon?
Ipapaliwawa na Biblia no anto ray kualipikasyon na saray brother ya manlilingkor bilang ministeryal a lingkor tan elder. Basaen so 1 Timoteo 3:1-13, insan ebatan iraya:
Antoy nenengnengen ed saray brother ya pankikimeyan day magmaliw ya kualipikadon ministeryal ya lingkor tan elder?
Kumustay pamilya da?—Nengnengen so bersikulo 4 tan 11.
No pankikimeyan na saray brother so magmaliw ya kualipikado, panon ya nagunggonaan so kongregasyon?
NO ITEPET NA ARUM: “Pangaalaan na Saray Tasi nen Jehova na pundo?”
Antoy ibagam ey?
SUMARYO
Makakaliket si Jehova no uusaren tayoy panaon, kasil, kuarta, tan arum nin walad sikatayo pian suportaan so kongregasyon.
Rebyu
Panon tayon usaren so panaon tan kasil tayo pian suportaan so kongregasyon?
Panon tayon usaren so kuarta tan arum nin walad sikatayo pian suportaan so kongregasyon?
Sika ey, panon mon nasuportaan so kongregasyon?
DISKOBRIEN
Amtaen no akin ya agla igaganggan na Dios ed saray mandadayew ed sikato so pangiter na kakaplo o tithes.
“Antoy Ibabaga na Biblia Nipaakar ed Pangiter na Kakaplo?” (Artikulo ed website)
Nabasad Biblia so arum ya responsibilidad na saray brother. Pero panon to no wala ray situasyon ya sister so manggawa ed saratan ya responsibilidad?
“Say Inkaulo ed Kongregasyon” (Say Panag-bantayan, Pebrero 2021)
Kabaten iray makpel ya Tasi ya nansakripisyo pian makasabi iray publikasyon ed saray agagi.
Amtaen no panon ya napupundoan so kimey tayo tan no akin ya duma tayo ed saray arum ya organisasyon na relihyon.
“Siopay Manpupundod Kimey na Saray Tasi nen Jehova?” (Artikulo ed website)