KANSION 71
Armada Itayo nen Jehova!
Printed Edition
1. Sikatayoy armada
nen Jehova’n Dios,
lanang manpapasakop
ed si Kristo Jesus.
Satanas may onsumpa
balet mansiansia.
Mankakasakey tan
ag-ontutunda.
(KORO)
Sikatayoy armada
nen Jehova’n Dios!
Onlan ibalita:
“Dios manuley la.”
2. Bilang lingkor, karneroy
anapen tayo,
saramay nababalang,
tan naeermenan.
Ag-ira pupulyanan,
onlan pawilen,
dia ed saray aral
et imbitaan.
(KORO)
Sikatayoy armada
nen Jehova’n Dios!
Onlan ibalita:
“Dios manuley la.”
3. Sikatayoy armada,
lider ti Jesus.
Tua ya akaparaan,
agtayo onatras.
Mansiansia ed katuaan,
ag-oniikban.
Naynay ya mansungdo,
ag-onsusuko.
(KORO)
Sikatayoy armada
nen Jehova’n Dios!
Onlan ibalita:
“Dios manuley la.”