Antoray Anggapon Yearbook ed Librarya Yo?

Kada Yearbook of Jehovah’s Witnesses so mabmablin koleksion na makapaliket a babasaen. Saray makapabiskeg a report nipaakar ed panangipulong na Panarian a kimey ed sankamundoan so mamapaelet na kompiyansa tayo ed panangigiya, proteksion, tan panamendision nen Jehova ed totoo to. Say sangan opisina so walaan na limitadon suplay na Yearbook parad taon 1994 tan 1995, tan walaan kami na dakel a suplay a Yearbook parad 1996 tan 1997. Lugan na sarayan Yearbook so makapalikliket a teokratikon awaran nipaakar ed kimey ed Panarian diad saray arawin pasen a singa say Benin, Brazil, Cyprus, Gresya, Guadeloupe, Haiti, Hungaria, Mexico, Micronesia, Mozambique, Polandiya, tan Venezuela. Akin ya agnengnengen no kasin anggapo irayan edisyon na Yearbook ed personal a librarya yo? Kaukolan a nengnengen met na manangasikaso na Teokratikon Eskuelaan Parad Ministeryo so librarya diad Kingdom Hall. Nayari la natan a manpedido iray manangipalapag odino saray kongregasyon a manpirawat ed sarayan Yearbook diad panamegley na manangasikaso na literatura na kongregasyon.