Saray Rason Pian Manliket

1. Dakel so rason ti’n manliket,

Agti’ la anggan nabilang.

Totoo’d amin a nasyones

So kaiba ti’ la natan.

Malet so rason ti’n manliket,

Diad Salitay Dios niletneg.

Agew-agew ti’n aralen ’tan;

Pian pananisiay ombiskeg.

Gayaga tayo so mansiansia,

Diad puso agnapokpokan.

Tan no nasagmak ma’y problema,

Tulong nen Jehova’y wadtan.

2. Panliketan ti’ ray kimey to,

Tawen, dalin, kadayatan.

Sankanengneng ti’ ’rayan palsa,

Sarayay pandinayewan.

Matalona ti’n mantatasi,

Ibabalitay Panarian.

Inkiletneg tan bendisyon to,

Ipulong ti’d sankamundoan.

Nitan lay gayagan magnayon,

Singa liwaway kabuasan.

Say dalin tan tawen a balo

Lawas ti’ lan panliketan.