Kanta 130
Say Milagro na Bilay
Printed Edition
1. Sinag na agew, Tedter na uran,
Ugaw a kapang’yanak, Tantanaman.
Nanlapu ed Dios, A maar-aro.
Makapadinayew iray regalo to.
(KORO)
Anto met sirin so ibales tayo
Noag say pangaro’d samay angiregalo.
Agti’ nabayaray Amin ya inter To.
Regalo ’ya na Dios—Milagro na bilay.
2. Say arum agla Makapananos,
Ninonot da ingen ya Teteley Dios.
Agtayo ontan, Agti’ onsuko,
Say Dios pisalamatan ed bilay tayo.
(KORO)
Anto met sirin so gawaen tayo
Noag say pangaro’d saray kaparan too.
Agti’ nabayaray Amin ya inter To.
Regalo ’ya na Dios—Milagro na bilay.
(Nengnengen met so Job 2:9; Sal. 34:12; Ecl. 8:15; Mat. 22:37-40; Roma 6:23.)