“Iyabawag so Taon na Kaabigay-linawa nen Jehova”

“Say taon na kaabigay-linawa nen Jehova” et aliwan literal ya taon

61:1, 2

• Saya may panaon ya iikdan nen Jehova iray mauyamo na pankanawnawa ya onkiwas ed iyaabawag ton kibulos

• Nen inmunan siglo, ginmapo so taon na kaabigay-linawa nen inggapo nen Jesus so ministeryo to nen 29 C.E. ya anggad “agew na panangibales” nen Jehova sanen dineral so Jerusalem nen 70 C.E.

• Diad panaon tayo, ginmapo so taon na kaabigay-linawa nen nitrono si Jesus diad tawen nen 1914 tan manampot ed baleg ya kairapan

Bebendisyonan nen Jehova so totoo to na “angkakabaleg a kiew na inkatunong”

61:3, 4

• Saray sankatageyan ya kiew diad interon mundo et maslak ya ombabaleg diad katakelan, ya kada kiew et mansusuportaan

• Nayarin mankakawelan iray lamot da, kanian magmaliw iran mabiskeg tan agbastabasta nabagot no walay ondalan ya bagyo

• Saray ataragey ya kiew et mangiiter na proteksion ed saray angkelag nin kiew, tan saray napelag ya bulong da et pabunaen day dalin

Amin ya membro na Kristianon kongregasyon diad interon mundo et nagugunggonaan ed suporta tan proteksion na saray “angkakabaleg a kiew na inkatunong,” saray nakekeraan ya alanaan