KAYAMANAN ED SALITA NA DIOS | ISAIAS 63-66
Say Balon Tawen tan Balon Dalin so Panlapuan na Baleg a Liket
Say sipan na Dios ya panangipawil a nabasad Isaias kapitulo 65 et segseguradon nagawa.
Manggawa si Jehova na balon tawen tan balon dalin, ya ditan et agla nanonotan iray apalabas a bengatla
Anto so balon tawen?
Sakey a balon gobierno ya gawaen ton maabig so kipapasen diad dalin
Niletneg iya nen 1914 nen nitrono si Kristo bilang Ari na Panarian na Dios
Anto so balon dalin?
Totoon nanlapud amin ya bansa, lenguahe, tan lahi ya maliket a manpapasakop ed uley na balon gobierno ed tawen
Panon ya agla nanonotan iray apalabas a bengatla?
Saray lapuan na ansakisakit iran agawa a walad memorya tayo—pisikal, mental, tan emosyonal—et naandi la
Saray matoor a totoo et na-enjoy dan maong so manbilay tan say nanonotan da et saray balibalin naeksperiensya da ed kada agew